Daşoguz welaýat klinikasynda halkyň gymmatly wagtyny ýitirip, tomusyň jokrama yssysynda, darajyk korridoryň içinde, gerege ýaramajak 100-nji ýerde durýan kepilnamalar üçin, adamlary birnäçe sagatlap nobata duruzyp köseýärler.

Klinikanyň tämizlik işçisi öz işlerini ýerine ýetirmek üçin, nobata duran adamlary daşary kowmak isledi, emma bu ýagdaý nobatyny ýitirmek islemeýän adamlarda nägilelik döretdi.

Netijede, tämizlik işgäri bilen nobata duranlaryň arasynda dawa başlandy. Bu batly çykýan seslere otaglarda işläp oturan lukmanlar çykdylar we bu goha näme sebäp bolanyny soradylar. Tämizlik işgäri “Raýatlar maňa gulak asanoklar” -diýdi.

Ozalam yssydan essi aýylyp duran halka “Raýatlar” sözüni eşitmek hasam agyr degdi. Adamlar bu sözden soň, gohy has ula ýazdyrdylar. Şeýlelik bilen halk köpçülik bolup, tämizlik işgärine “Raýat” sözüni gaýdyp agzyna almajak derejä ýetirdiler.

“Raýat” sözüni kemsidiji söz hökmünde kabul eden halkyň durumyna şaýat bolan watandaşymyz, bu dawany wideoýazga geçirdi, emma haýsydyr bir tehniki näsazlyklara görä ýazgy edilmänligi üçin yzyna gaýdyp, ýene gaýtadan ýazga aldy.

Türkmenistanda kemsidiji dramalaryň häli-şindi bolup durýandygy hemmelere mälim, emma bu jenjelli ýagdaý wideoýazga düşmese-de, watandaşymyzyň dilden beren gürrüňleri ýeterlik boldy.