“Olýa” lakamly bir zenanyň Köneürgenç halkyna edýan zulumy bilen gorky astynda saklaýandygy agyzdan-agyza ýaýrap başlady.

Olýa 2001’nji ýylda doglan, iki çaganyň enesi. Köneürgenjiň 40 ýyllyk obasynda ýaşaýar. Olýa’nyň ahlaksyz hereketleri sebäpli Köneurgenjiň, 40 ýyllyk obasyndan kowulup gaýdýar we Köneürgenç ilçesiniň 4’ji mekdebiniň ýanyndaky Stalin kolhozynyň (köne ady) özbek obasynda kireýine jaýda ýaşap başlaýar.

Şol ýerde hem ýerli hukuk goraýjylaryň ýardamy bilen jelephana açýar. Olýa, öz jelephanasynda, 16-17-18 ýaşly ýetginjek gyzlary saklap, Köneürgenjiň hukuk goraýjy işgärler we uly wezipeli adamlar bilen jynsy gatnaşykda bolmaga zorluk edýär. Ol, ýetginjek gyzlara  özünden rugsatsyz öýden çykmagy gadagan edýär. Bu zulumdan gaçyp-gutulmak islänlere fiziki güýç ulanyp öňüni alýar. 

Köneurgenç ilini lerzana getirýän “arkasy güýçli Olýa” bu edýän jenaýat işlerinde goldaw berýänleriň, onuň arkasynda durýanlaryň özleri Olýa’nyň hyzmatyndan giňden peýdalanýarlar. Olaryň hepde soňunda şäher daşynda gurnaýan meýlislerinde, hut Olýa’nyň getirip berýän kämillik ýaşa ýetmedik gyzlaryndan peýdalanýarlar. Şeýlelik bilen Olýa’nyň arkasynda durýan Sapar “Zampolit” we Öwez Gupbykow ady bilen tanalýan “hukuk goraýjylar”, ony bu jenaýat işinde jogapkärçilik çekmeginden goraýarlar.

Iki-üç hepde mundan öň, Köneurgenjiň 2’nji mekdebiniň meýdançasynda, Olýa’nyň 2008’nji ýylda doglan, Ýyldyz atly kämillik ýaşa ýetmedik gyzy ýalaňaçlap, ýenjip duranyny wideo çekýärler. “Indi gaýtalamaryn, indi gaçmaryn ejeke” — diýip aglasa-da, ýalbarsa-da, Olýa özüniň şol etrapda uly “awtoritetdigini”, hiç zatdan çekinmeýändigini, arkasynda hukuk goraýjy işgärleriň durandygyny biçäre gyzy wagşylarça ýençmeklik bilen subut edýär. Olýa’nyň zulumyndan gutulmak isleýän Ýyldyz’yň wagşylyk bilen urulmagy bu wideo ýazgyda görülýär.

17 ýaşly Ýyldyz’yň ejesi-kakasy aýrylşan, häzirki wagytda gyzyň ejesi Türkiýe’de zähmet migranty. Ýyldyz, Olýa’nyň gapanyna düşmezinden oň babasy bilen “Gyzyl esger” obasynda ýaşaýardy.

Türkmenistan’da Konstitusion gurluşlaryň hiç hili işlemeýändigini bu zenan, wagşy hereketleri bilen özüniň ýene jogapkärçilige çekilmekden uzak galjakdygyny aç-açan görkezdi. Şu wideolarda özüniň arkasynda durýan adamlaryň atlaryny sanap geçip, “seni ýere sokaryn, meni gorajaklar bar” -diýip gorkuzmak bilen, gyza psihologiki basgy edip gaçmazlygyny isleýär. Olýa’nyň bu günki pidasy Ýyldyz’y, urup-ýenjenden soň ýalaňaçlap köçä kowýar, golastyndaky “ýumuş” oglanlaryna Köneürgenjiň esasy uly köçesinden awtoulagyň yşygynyň astynda, tä köçäniň soňuna çenli ýalaňaçlygyna  ýöremäge mejbur edýär. Şeýle wagşylyklar her günde diýen ýaly Türkmenistan’yň islendik künjeginde bolup durýar.

2025’nji ýylyň 19’njy Awgustynda Türkmenistan rejiminiň “Çagalary ögrenmek we döredijilik mümkinçiliklerini giňeltmek”- şygar astynda gurnan “Kids Expo” atly şagalaňly geçiren dabarasy ýene propoganda bolup galýar. Ýogsam, Türkmenistan’da döwlet gurluşy bar bolsa Ýyldyz ýaly ýetginjek çagalaryň sosial üpjünçiligi ýerine ýetirilerdi. UNICEF’iň esasy gymmatlyklary dünýä ýüzüniň çagalarynyň erkana ösüşi, gowy bilim almagy we bagtly durmuşda ýaşamagy bolup durýar. Emma, halkara jemgyýetçiligiň Türkmenistan’yň çagalarynyň, şu wideoda görüşimiz ýaly, Ýyldyz we deň-duşlarynyň saglygynyň we haklarynyň goragsyzdygy subut bolýar.

Türkmenistan rejimiň çagalarynyň we ýetginjekleriň bilimi, sosial üpjinçiligi, ýaşaýyş durmuş şertleri barada berýän galp hasabatlaryna görä, Türkmenistan’yň çagalary ýokary hilli bilim alýarlar we gowy durmuşda ýaşaýarlar. Türkmenistan’yň hakyky ýüzi, ýasama gurnalan sahnalar däl-de, şu we şuňa meňzeş wideolarda görünýän faktlardyr! Faktlar bolsa Türkmenistanda döwletiň ýoklugyny görkezýär.