Çärjew şäheriniň 35 ýaşly ýaşaýjysy we 3 çaganyň ejesi bolan Jemal atly bir zenanyň köçede aklyny ýitiren ýagdaýynda daşara kowulandygyny, başga bir Türkmenistanyň ýurtdaşy tarapyndan wideo düşürlip bize ýetirildi.

Jemalyň başyndan geçirenleri bolsa, bize gürrüň berlişi boýunça şu aşakdaky ýaly:

Ilkinji ärinden aýrylşandan soň Türkiýä işlemäge gaýtmaly bolupdyr. Birnäçe wagtdan soň Mary welaýatynyň ýaşaýjysy bolan Parahat atly deň-duşy bilen tanyşýar.

Parahat bilen birnäçe wagt ýaşaşandan soň, Parahatyň alkagola ýatgyn bolandygy Jemala belli bolýar. Bize habar beren şaýatlaryň aýtmaklaryna görä, Jemal Parahatyň ýesiri bolupdyr. Ýygy-ýygydan Parahatyň zulumyna uçrapdyr. Hat-da Jemalyň pullaryny hem elinden alypdyr.

Haçan-da Parahat Türkmenistana gitmäge karar bereninde, Jemalyň telefonyny elinden alyp, SIM kartyny hem döwüpdir. Näme sebäpden bu hereketi edendigi bize mälim bolmady. Emma, şondan soň Jemal tanyşlary bilen habarlaşyp bilmändir. Şol wagtda bolsa, ol awtoulag heläkçiligine uçrapdyr. Ýolda gidip barýarka ony bir awtoulag kakypdyr.

Hassahana äkidilen Jemalyň ýakynlaryny tapyp bilmedik saglyk işgärleri, ony wagtlaýyn Türk watandaşynyň öýüne ýerleşdiripdirler. Şol wagt aralygynda, şaýatlaryň aýtmagy boýunça, onuň akyl saglygy erbetleşip ugrapdyr. Jemalyň soňky ýagdaýy bolsa, onuň ýakynlaryny hem gorkuzdy.