Daşoguz şäherinden iberilen wideoda, bir zeýkeşiň şaheriň ortarasynda ýata-suw halyna gelendigini görmek bolýar. Wideony ugradan ýurtdaşymyzyň aýtmagy boýunça, zeýkeş birnäçe ýerinden gömülip akmaz ýaly edilipdir. Google karta ulgamynda bu berilen maglumaty tassyklap bolýar. Kartada hem görülşi ýaly, zeýkeşiň birnäçe ýeriniň gömülendigini görse bolýar. Daşyndan seredilende, bu zeýkeş köp wagtdan bäri gazylmadyk ýagdaýda öz halyna taşlanypdyr.

Zeýkeşe ýakyn ýaşaýan adamlar keselçilikleriň köpüsi şu ýatan suwdan gelýändigine ynanýarlar. Muňa goşmaça 18-nji orta mekdep hem şol zeýkeşiň edil garşysynda ýerleşýär. Çagalaryň gatnaw ýeri bolmagy sebäpli, ene-atalar çagalaryny suwyň ýakynyna barmazlyklary üçin duýdurýarlar.

 – diýip maglumat beren ildeşimiz, “Zeýkeş gazylyp akar ýaly edilmeli, ýa-da düýbinden gömülip ýok edilmeli” – diýdi.

Şäherden gelen beýleki maglumatlar hem habar kanalymyzyň dykgatyny özine çekdi. Daşoguz şäheriniň dürli künjeklerinden alan maglumatlarymyzda, agyz suwynyň içmez ýaly bolandygyndan sikaýatçy boldylar. Agyz suwlarynyň zäherlenmesiniň arkasynda ýatan sebäp bolsa, ine şu görünýän, gazylmadyk zeýkeşler bolsa gerek.